«Адалдық дүкені» жұмыс жүргізуде

Елімізде сыбайлас жемқорлықпен күрес жобаларының бірі – «Мақтаарал адалдық алаңы» жобасы аясында мектебімізде «Адалдық дүкені» жұмыс жүргізуде. Жобаның басты мақсаты – қоғамда сенім атмосферасын қалыптастыру және оқушыларға өздерін жақсы, адал адам ретінде тануға мүмкіндік беру.

«Адалдық  дүкенінде» мұғалімдер мен оқушылар  өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысады. Яғни, сатушысы жоқ дүкенде затты сатып алушылар өздеріне қызмет көрсетуде. Сауда орнының басты ерекшелігі де осында, яғни сатып алушылар өзіне тек адалдық принципі бойынша қызмет көрсету.

Мұндай жобаны жүзеге асыру оқушылардың тәрбиесі мен адалдығын арттыруға бағытталып отыр. Осылайша, бұл мекен оқушылардың  әлеуметтік жауапкершілігін шыңдайтын орынға айналмақ. Сондай-ақ, «сыбайлас жемқорлыққа қарсы иммунитетті» қалыптастыруға әсер ететін нысан болып табылады.

Мұндай дүкендерді ашу оқушылардың  жағымды моральдық қасиеттерін, соның ішінде ішкі парасаттылық пен адалдықты тәрбиелеуге бағытталып отыр.