Ата-аналарға жиналыс

Бала тәрбиесі мен дамуындағы басты рөл атқарушы - отбасы. Сондықтан ата - ананың бала көңілін таба білуіне ой қозғау,  өзін-өзі тануына бағыт беру, тәрбие жайлы пікір бөлісу, сонымен қатар ата-аналарды өздерінің балаларының жан-дүниесін түсінуге шақыру мақсатында  жаңа форматта"Отбасы және отбасы құндылықтары" тақырыбында ата-аналар жиналысы өтті. Мектебіміздің педагог-псхологтары мен әлеуметтік педагогы түрлі ойындар мен тренингтер өткізіп, ата-аналарға ерекше көңіл-күй сыйлады. Мектебіміздің педагог- дефектологы  Инклюзивті білім беру-заман талабы атты  баяндама оқыды. Баяндама негізінде Инклюзивті білім беру оқыту процессінде балаға жеке көмек көрсету мен психологиялық-педогогикалық қолдауды қамтамасыз ету туралы, жалпы білім беретін мектепте ЕББҚ балаларға кедергісіз аймақ құру ғана емес, баланың психофизикалық мүмкіндігін ескере отырып құрылатын оқу-тәрбие үдерісінің  ерекшілігін ескеру керектігі айтылды.
   Бала тәрбиесінде ата-ананың рөлі ерекше. Біз, мұғалімдер мен ата-аналар, бірлесе отырып, балаларымыздың жақсы азамат болып өсуіне ықпал етуіміз қажет. Сондықтан, осындай жиналыстарды жиі өткізіп, өзара тәжірибе алмасып, баланың дамуына бірге атсалысайық!