13.09.2021 жыл

Тіл мерекесі еліміздің ең жарқын мерекелерінің бірі, себебі тіл адамның қарым-қатынас, ойлану құралы, сондықтан ол – адамзаттың интеллектуалдық әлеуетінің қазынасы ретінде халықтың ең құнды байлығы.
Елбасымыз Н.Ә. Назарбаев: «Мемлекеттік тіл – ұлттық саясаттың діңгегі болуы тиіс» – деп атап өткендей, Қазақстан өзінің тәуелсіздік туын тіккелі бері, мемлекеттік тілдің елімізде жүйелі түрде дамуына ерекше көңіл бөлініп келеді.Тілдер мерекесімен тұспа-тұс келген, осынау рухани мейрамның 5 қыркүйекте тойлануына себеп болған – «Тіл – адамның адамдық белгісінің зоры, жұмсайтын қаруының бірі» .деген ұлағатты сөз қалдырған, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туылған күнімен пара-пар келіп отырғаны тегін емес.
Бүгін барша қазақ халқының қазақ әліпбиінің негізін салған ғалымның туылған күні және Тілдер мерекесі баршамызға құтты болсын!!!